Елді сағынып, аңсап келгенде ауылдың өркениет көшіне ілескенін, жақсарғанын көріп, бір марқайып қалдым. Еріксіз осы ауданда қызмет еткен 20 жылғы уақытым ойға оралды. Ол кезде бас-басымызға арнайы көлік болмайтын. Дегенмен, әр отбасына барып, денсаулықтарын тексеретінбіз. Кейіннен аудандық атқару кеңесіне қызметке келгенде талап өте жоғары болатын. Темірдей тәртіппен жүруші едік. Қазір заман, қоғамдық формация өзгерді, талап та басқаша. Жағалай компьютерлендірілген, ақпарат сәт сайын өзгеруде. Міне, осы тұста замана көшіне ілесу, сөйтіп алдыңғы саптан көріну оңай емес. Сондықтан ауданның шыққан биігіне, жеткен жетістігіне өте қуаныштымын.
Аудан халқына тек жақсылық тілеймін. Әр отбасында тек қуаныш, той болсын. Ел басқарған азаматтар аман болсын!