Мен Қармақшы ауда­нын­да туып-өскен­іммен өмір жолым, жеткен жетіс­тігім, шыққан биігім осы аудан­­­мен тығыз байланысты. 1972 жылы Алматы ауыл шаруашылығы инс­титутын бітіргеннен кейін Ша­ған ауылына келіп, алғашқы орақ­қа қатыстым. Содан бері осы саладамын. Биыл бұйыртса 47-ші орақ маусымына қатысқалы отырмын. Демек, өмірімнің тең жартысы осы аудан атымен тығыз байланысты.

Елдің басына қандай қиындық түссе де «көппен көрген ұлы той» дейтін дана халқымыз кешегі тәуелсіздік алып, өз алдына мемлекет бола бастағанда көп қиындықты еңсерді. Ол қиындық шалғайда жатқан осы Сырдарияны да шарпыды. Дегенмен, ел халқының ауызбірлігінің, бі­лікті басшылардың ұйымдастырушылық қабілетінің арқасында етек-же­ңін жинап, халық бірлігіне сызат түсірмеді. Шаруасын бір ізге түсіріп, алдағы күнге сеніммен қарады.

Қазір ауданда шешімін таппаған күр­делі мәселе жоқ. Әсіресе, алыс ауылдар өркениет көшіне іле­сіп, жолы жөнделіп, көшесі жарық­тандырылып, абаттанып жатыр. Оны күнделікті ақпарат құрал­дарынан көріп, біліп отырмыз.

Дария бойын жағалай қоныс тепкен Сырдария ырыздық-не­сі­бесін жерден терген, шаруаға бейім еңбеккеш халық тұратын берекелі өңір. Өзімнің осы жерде еңбектің алғашқы нанының дәмін татқанымды ешқашан ұмыт­паймын. Ауыл шаруашлығы саласына алғаш келгенімде ағалық ақыл-кеңесін аямаған Ширек аға Сқақов сынды еңбек майталмандары берген тәрбиемен өстім, өндім, нәтижелі еңбектің жемісін тердім.

Тоқсан жылдық белесті бағын­дырған жерлестеріме баянды ба­қыт, толағай табыс тілеймін. Сырдария ауданы көркейе берсін.