Құрметті сырдариялықтар!
Қадірлі жерлестер!
Сіздерді өңіріміздің өсіп-өркендеуінде өзіндік орны бар, табиғаты қандай бай болса, тарихы сондай терең Сырдария ауданының құрылғанына 90 жыл толу мерейтойымен шын жү­рек­тен құт­тықтаймын.
Сырдарияның шежірелі тарихы елі­міздің, оның ішінде облысымыздың да­му кезеңдерімен, айтулы оқиға­ла­ры­мен үндесе, біте қайнасып, қалыптасып келеді. «Ұлт тарихы өлке тарихынан бастау алады. Бүкіл адамзаттық құн­дылықты, әлемдік құндылықтар мен ұлттық құндылықтар құрайтын болса, өлке тарихы сол құндылықтардың бастау бұлағы», – деген Елбасы Н.Назарбаевтың ұлағатты сөзі осының дә­лелі.
Тарихи оқиғалар әрбір мезетте қаз – қалпында қайталана бермейді. Та­рихи оқиғалар әр кезде әр түрлі кеңістікпен уақыт сынынан өтеді. Яғ­ни, ауданның 90 жылдық шежіресіне көз жүгіртіп, өткенінен сабақ алып, бо­лашақтың мақсатын анықтауда мерейтой өткізудің өзіндік маңызы бар.
Бастысы той тойлау емес, ой ойлау екенін естен шығармағанымыз абзал. Өйткені өңі­рімізді жаңғырту үшін, бүкіл ойлау жүйемізді жаңартуымыз керек.
Бүгінгі «Рухани жаңғыру» аясында, туған жерге тағзым етіп, еліміздің тарихи тәжірибелері мен дәстүрлеріміздің уа­қыт сынынан өткен озық жақтарын өмір қағидаттарына айналдыра білуіміз қажет. Аудан өміріндегі еңбекті ұйым­дастырудың, елге басшылық жасаудың жауапкершілігін жо­ғары деңгейде ат­қарған аға буынның өнегелі істерін, жемісті тәлімдерін бүгінде кеңінен пайдалануымыз өмір талабы.
Бұл бағыттағы сырдариялықтардың игілікті көрсеткіштері жеткілікті.
«Қазақстан – 2050» даму стратегиясын жү­зеге асыруды қолға алған­нан бергі 5 жылдан астам уақытта, ау­дандағы өнеркәсіп өнімінің көлемі 33,2 пайызға артып, ауыл шаруашылығы жал­пы өнімінің көлемі 792,8 млн. тең­геден 16 732 млн. теңгеге жеткізілді.
Ауданның бюджеті соңғы 5 жылда 58 пайызға, оның ішінде өз кірістері 92,4 пайызға артып отыр.
Аудан көлемінде ұйымдастырылған қоғамдық кеңес жұмысының тәжірибесі республика көле­міне тарап, елімізде нәтижелі жұмыс жасауда.
Алдағы уақытта да сырдариялықтар өңірі­міздің әлеуметтік – экономикалық дамуы жо­лын­дағы міндеттерді абыроймен орындай бере­тіндігіне сенемін.
Сіздерді ауданның құрылғанына 90 жылдық мерейтойымен тағы да құттықтай отырып, әр­дайым табыс­тың биігінен көріне берулеріңізге тілек­тестігімді білдіремін.