Байқау барысында мәдениет ошақ­тарының өнерпаздары ақиық ақын өлеңдері желісінде тағы­лымы мол, танымы бөлек қойылымдар қойды. Мәселен, жетікөлдік өнерпаз Бақдәулет Бақытбек «Тоқта, ботам», аман­келділік Айсәуле Жамбыл «Сәби-ана», шіркейлілік «Асыл сөз» көркемсөз үйірмесінің мү­ше­­лері мен нағилық «Жас­тар» тобы «Аққулар ұйықта­ғанда», тереңөзектік көркемсөз үйір­месінің мүшелері «Мұқа­ғалидың мұңы», іңкәрлік Әділ­бек Ахметов ерекше орындап шықты. Өз кезегінде қо­ғалы­көлдік «Сөз маржаны» көр­кем­сөз үйірмесінің мүшелері «Же­тім­­дер үйі», асқарлық Бақ­тияр Төлепбай мен Еркежан Кеңес­байқызы «Мұқағали мәңгі жүректе» қойылымын ұсынды. Ал шағандық «Жыр-дария» то­бы «Мен өмірді жырлау үшін кел­генмін», сәкендік «Театр әле­мі» тобы «Мұқағалидың Жазушылар одағынан шығарылуы» қо­йылымынан үзінді қойды.

Өнерпаздардың өнерін баға­лаған әділ қазылар қатарында аудандық мәдениет және тіл­дерді дамыту бөлімінің бас маманы Ақбота Асанова, аудандық мәдениет үйінің аға әдіскері Гаухар Сәрсенбаева, «Тіршілік тынысы» газетінің бас редакторының орынбасары Балтабай Ордабеков болды.

– Қазылар алқасының төраға­сы ретінде байқауға ұсынылған қойылымдардың деңгейі жоғары болғанын ерекше атап өткім келеді. Қатысушылар Мұқағали Мақатаев шығармашылығын те­рең түсініп, сахна тілі арқылы кө­рер­менге әсерлі жеткізе біл­ді. Әрбір қойылымнан ақын жыр­ларындағы нәзік сезім, өмірге деген көзқарас, адамгершілік пен тазалық айқын аңғарылды. Әсі­ресе, «Аққулар ұйықтағанда» поэмасының желісімен қойылған көріністерде қатысушылардың ак­терлік шеберлігі мен сахналық мәдениеті жоғары деңгейде кө­рін­ді. Жастардың ақын мұ­расына деген құрметі мен ықыласы қуантады. Бұл – рухани құндылықтардың сабақ­тас­­тығының айқын белгісі. Байқау барысында қаты­су­шылардың тек мәтінді жаттап қана қоймай, оның мәні мен мазмұнын жүрекпен сезініп, кө­рерменге жеткізуге тырысқаны байқалды. Бұл олардың шығар­машылық ізденісінің жоғары екенін көрсетеді. Осындай іс-шаралар жас ұрпақты әде­биет­ке жақын­датып, ұлттық құн­­ды­лықтарды дәріптеуде ма­ңызды рөл атқарады. Байқау жоғары деңгейде ұйым­дас­тырылып, өз мақсатына жетті деп айтуға то­лық негіз бар. Қатысушыларға шы­­ғар­машылық табыс тілей отырып, алдағы уақытта да осындай мазмұнды байқаулар жалғасын та­бады деп сенемін, – деді қазылар алқасының төрайымы Ақбота Асанова.

Байқау қорытындысында же­ңім­паз бен жүлдегерлер анық­талып, арнайы диплом, алғыс хат және қаржылай сыйлық табысталды. Бұл ретте жақында ауылдық мәдениет үйінің директоры атанған Гүлзира Райымбекова бастаған ұжымның еңбегі бағаланды.