Мәдениет қызметкерлері арасында құқықтық сауаттылықты арттыру маңызды. Сыбайлас жем­қорлыққа қарсы заңнамаларды түсіндіру, арнайы семинар мен тренинг өткізу – алдын алу шарасының тиімді жолы. Әрбір қызметкер өз әрекетінің заң алдындағы жауапкершілігін нақты сезінуі тиіс. Мәселен, Сырдария ау­­дандық мәдениет және тілдерді дамыту бөліміне қарасты мекемелерде 2026 жылдың І тоқсанында 54 іс-шара өткізілген. Оның ішінде, 15 түсіндірме жұмыс, 18 семинар-кеңес, 12 дөңгелек үстел, 9 пікірлесу сағаты ұйымдастырылған. Бұның барлығы – ашықтықты қамтамасыз ету және адалдық мәдениетін қалыптастыруға бағытталған.

Жемқорлыққа төзбеушілік де­геніміз – тек заң бұзбау ғана емес, кез келген әділетсіздікке бейжай қарамау, оны қабылдамау. Мәдениет қызметкерлері қоғамға үлгі болатын тұлғалар болғандықтан, олардың әрбір әрекеті адалдық пен тазалықтың көрінісі болуы тиіс. Мәдениет мекемелерінде бұл ба­ғытты нығайту үшін бірнеше маңыз­ды қадам қажет. Біріншіден, ұжым ішінде адалдық қағидатын наси­хаттау керек. Әдеп кодекстері тек құжат ретінде емес, күнделікті жұмыс қағидатына айналуы тиіс. Екіншіден, әрбір қызметкер өз құқығы мен міндетін нақты білуі қажет. Құқықтық сауаттылық арт­қан сайын заңсыз әрекеттерге қар­сы тұру қабілеті де күшейеді.