Отбасы құндылығы дәріптелген іс-шарада қатысушы келіндер қазақы салт-дәстүрмен өздерін таныстырды. Қазақтың ұмыт бола бас­та­ған тағамдарын дайындап, көпшілікке ұсынды. Алғырлықтарын танытып, әдет-ғұрып­­қа байланысты сұрақтарға жауап беріп, өнер көрсетті.

Байқау қорытындысында жүлделі ІІІ орын Света Бажиеваға, ІІ орын Гүлсезім Ақылбековаға, І орын Гүлшара Найзабековаға беріліп, бас жүлдені Ләйлә Рахманова енші­леді.

«Шаңырақ күні» аясында Ақжарма ауыл­дық мәдениет үйінде «Бірлік пен бақыт мекені – Шаңырақ» тақырыбында аудандық отбасылық өнер фестивалі өтті. Бұл іс-шара Ақжарма ауылдық мәдениет үйі мен Іңкәрдария ауылдық клубының бірлесе ұйым­дастыруымен жүзеге асты.

Отбасы құндылықтарын дәріптеген фес­тивальде бірнеше отбасы өнер көрсетіп, бақ сынады. Негізінен «Күміс той» иелері Шағыровтар мен Дүйсеновтер, «Қалайы той» иелері Нұрмахановтар мен Несіпбаевтар отбасы құрмет төрінен көрінді.

Отбасылардың өнеріне Ақжарма ауыл әкім­дігінің бас маманы Айбол Ержанов, мәде­ниет саласының ардагері Зағира Ахметова, еңбек ардагері Абат Жағыпаров әділ бағасын берді.

Аудан орталығында «Руханият орталы­ғында» Ұлттық киім күніне орай «Ұлттық киім – Ұлт ұясы» атты қазақ халқының ұлттық, сәндік киімдерін көрсетуден аудандық фести­валь өтті. Іс-шараға аудан әкімі Берік Сәрменбаев, Қорқыт ата атындағы Қызылор­да университетінің аға оқытушысы, Қазақстан қолөнершілер одағының мүшесі Айдана Әлайдарқызы, аудан ардагерлері, қол­өнершілер қатысты.

Фестивальде ұлттық киімдер ұлықталып, заманауи көзқараспен үндескен ерекше форматта көрермен назарына ұсынылды. Дизайнерлер мен тігіншілер этно-стиль бағытындағы зама­науи киім үлгілерін көрсетіп, өз брендтерін таныс­тырды. Сән көрсетіліміне еңбектеген баладан еңкейген қартқа дейін қатысып, әр жас ұрпақ ұлттық киімнің көркемдік және рухани мәнін сезіне алды.

– Президентіміз Қасым-Жомарт Тоқаев «Ұлттық киім – халқымыздың мәде­ни мұрасы, оны дәріп­теу – болашақ ұрпақ алдындағы мін­детіміз» деп ұлт­тық киімнің маңыз­ды­­лығын атап өтіп, ұлттық киімді тек Наурыз мейрамын­да ғана емес, күнде­лік­ті өмірде де кию қажет екенін айт­қан болатын. Ұлттық киім – халқымыздың тарихы мен тағылымын, мәдениеті мен болмысын айшықтайтын асыл мұра. Әрбір ою-өрнекте, әрбір кестеде ата-бабамыздың дүние­танымы, талғамы мен өмірге деген көзқарасы көрініс табады. Қазақтың шапаны мен камзолы, сәукелесі мен кимешегі – ұлты­мыз­дың айрықша келбетін танытатын құндылықтар. Бүгінгі іс-шара – сол асыл мұрамызды дәріп­теп, ұрпақ санасына ұлттық құнды­лықтарды сіңіру жолындағы маңызды бастама. Ұлттық киім­ді ұлықтау – өткенге тағзым ғана емес, болашаққа бағдар. Сондық­тан осындай игі іс-шаралар алда­ғы уақытта да жалғасын табады деп сенемін, – деді Берік Әбдіғаппарұлы.

Іс-шара соңында жергілікті дизай­нерлер мен қатысушы топ­тар­ға аудан әкімінің мерекелік құт­тықтауы табысталды.

Жаңару күнінде аудан халқы көшет отырғызып, табиғаттың түр­ленуіне атсалысты. Ауданға қарас­ты мекемелер ұйымшылдық үлгісін көрсетіп, бақшалық жерді қайта өңдеді. Әрине, Жаңару күні – табиғаттың түлеп, тіршіліктің қайта жанданатын ерекше сәті. Бұл күн – әрбір жанның жүрегіне үміт ұялататын, жаңа бастамаларға жол ашатын мереке. Көктемнің шуақты лебі адам­дарды ізгілікке, татулық пен бірлікке шақырады. Өткенге есеп беріп, болашаққа нық қадам жасауға мүмкіндік беретін маңызды кезеңде адамдар бір-біріне жылы лебізін білдіріп, өкпе-ренішті ұмытып, жаңа өмір­ге қадам басады. Табиғатпен бірге адам да жаңарып, жүрекке мейірім мен жақсылық орнайды. Сондықтан мереке – тек табиғаттың ғана емес, адам жанының да жаңғыруының белгі­сі саналады.

Ауданда «Ұлттық спорт күні» кең көлемде атап өтіліп, атал­ған іс-шараға аудан әкімі Берік Сәрменбаев, аудандық мәслихат төрағасы Ержан Әжікенов, аудан­дық ардагерлер кеңесінің төрағасы Мұса Келдібаев, аудан­дық Қоғамдық кеңес төрағасы Марат Еспенбетов, аудандық мәс­лихат депутаты Алмас Есназар және ардагерлер мен с­­портшылар қатысты.

Өз кезегінде аудан басшысы спортшыларды мерекемен құт­тықтады.

Мерекелік іс-шарада қазақ күресі, асық ату, тоғызқұмалақ, арқан тартыс, бес тас секілді ұлттық спорт түрлерінен жарыс­тар ұйымдастырылды. Жасөс­пірім­дерден бастап, кәсіби спорт­шылар мен ұлттық ойын жана­шырлары да қатысып, өз өнер­лерін көрсетті. Сондай-ақ ұлт­тық дәстүр дәріптелді.

Ынтымақ күнінде ауданға қарас­ты барлық елді мекенде Ұлыстың ұлы күні тойлан­ды. Айтулы күнде аудан әкімі Берік Сәрменбаев Асқар Тоқмағанбетов ауылына барды. әз-Наурыз мерекесіне арналған сал­танатты жиынға аудандық ардагерлер кеңесінің төрағасы Мұса Келдібаев, аудандық мәс­лихат төрағасы Ержан Әжікенов, аудандық мәслихат депутаты Алмас Есназар және ауыл тұр­ғындары қатысты.

Асқарлық ағайындарды аудан басшысы мрекемен құттықтап, жылы лебізін білдірді.

Ұлыстың ұлы күніне орай ұйым­дастырылған мерекелік іс-шара ұлттық салт-дәстүрлерімізді ұлықтауға, береке мен бірлікті ны­ғайтуға бағытталды. Ауыл тұр­ғындары мен қонақтары үшін ұлттық ойындар ойнатылып, қазақтың әдет-ғұрыптары дәріп­телді. Сонымен қатар бірқатар ауыл ардагерлері аудан әкімінің алғыс хатымен марапатталды. Мереке ауыл өнерпаздарының кон­цертіне ұласты.

Жыл басы – әз-Наурыз мере­кесін жергілікті халық кеңінен атап өткені мәлім. Әрбір көшеде наурыз көже пісіріліп, қазақы тағамдар дастарқаннан орын алды. Жыл басы – әрбір адам үшін жаңа мүмкіндіктер мен жарқын үміттердің бастауы. Бұл кезең – өткенге қорытынды жасап, болашаққа жоспар құратын ерекше сәт. Жаңа жылмен бірге әркім жүрегінде жаңаша серпін, тың мақсаттар мен армандарға жол ашады.

Көше Наурызында келіндер үлкендерге сәлем салып, шай құю әдебіне аса мән берді. Балалар үлкендердің қолына су құйып, ақ батасын алды. Сан түрлі ұлттық ойындар ойнатылып, олар салт-дәстүрді жаңғырта түсті.

«Таза Қазақстан» эколо­гия­лық акциясы және «Тазару күні» аясында елімізде «Мөлдір бұ­лақ» іс-шарасы өткізіледі.

Аталған экологиялық акция­да тұрғындар бірлесе еңбек етіп, «Сырдария» өзенінің жағалауын таза­лап, табиғатқа жанашырлық танытудың жарқын үлгісін көрсе­теді. Көпшілік қоршаған ортаны тазар­туға белсенді атсалысады.

Атаулы күннің мақсаты – та­биғи бұлақтарды, өзендер мен көл­дердің жағалауларын тазарту. Ағаш отырғызу, су айдындарының айналасын қоқыстан арылту, эко­логиялық мәдениетті арттыру шең­берінде Сырдария ауданында жүйелі жұмыс жалғасуда.