Ақжармадағы «Жайдарман» сайысы тартысты болды

25 қазан "Республика күні" мен Балалар жылы аясында аудандық жастар ресурстық орталығы, Ақжарма ауылдық мәдениет үйінің ұйымдастыруымен және ауылдық округі әкімі аппаратының қолдауымен тартысты жайдарман сайысы өтті.

Жайдарлы бәсекеге аудан бойынша командалар қатысып, үш кезең бойынша бақ сынады.

Тартысты өткен сайыс қорытындысы бойынша жүлделі І орын - Ақжарма ауылдық округі құрама командасының жастары, ІІ орын - Бесарық ауылдық округі құрама командасының жастары иеленді, жүлделі ІІІ орынды - Н.Ілиясов ауылдық округі құрама командасының жастары мен Тереңөзек кенті құрама командасының жастары иемденіп, диплом мен ақшалай сыйақы берілді.

"Үздік ойыншысы" номинациясымен - Тереңөзек кенті құрама командасының ойыншысы марапатталды.

Алдағы уақытта жастардың көптеп қатысатын жайдарлы "Жайдарман" сайысы өз жалғасын табатын болады.

Сырдария аудандық
жастар ресурстық орталығы