Шаңырақ шаттығы
Мереке аясында «Руханият орталығының» «Неке сарайында» салтанатты іс-шара өтті. Мерекелік іс-шараға ардагерлер, мекеме басшылары, аудан тұрғындары қатысты.Бұл ретте құрметті қонақтар жас жұбайлар Нұрасыл Ікірәмбек пен Дильназ Қайраттың неке қию рәсіміне куә болды. Неке қию рәсімін Салтанат Бекжүнісова бастаған «АХАТ» бөлімінің мамандары жасады. Биыл отау құрғандарына 60 жыл толған «Гауһар той» иелері Әшірбековтер, «Алтын той» иелері Қайрамбаевтар, «Күміс той» иелері Жылқыбаевтар отбасы жас жұпқа өнегелі ақылдарын айтып, ақжарма тілегін жеткізді.
Мерейтой иелеріне «Шаңырақ күні» аясында аудан әкімінің «Құттықтау хаты» мен сыйлық ұсынылды. Іс-шара соңында аудан өнерпаздары жиналған жұртшылыққа әннен шашу шашып, мерекелік көңіл күй сыйлады.
