Отауың көрік болсын,
Босағаң берік болсын.
Қонағың қыдыр болсын
Бақ-дәулет еріп келсін.Жақсыдан ағаң болсын,
Жақұттан жағаң болсын.
Жаныңды жадыратар
Ағайын аман болсын.Бақытың тасып тұрсын,
Беделің асып тұрсын.
Жазмыштың жақсылығын
Жаратқан нәсіп қылсын.Кигенің бөрік болсын,
Ақ жүзің көрік болсын.
Жалғаннан жол табатын
Иманың серік болсын.Дүрнегің дабыл болсын,
Ұл-қызың ауыл болсын.
Қол жайып ақ тілеген
Әз-Наурызда ниетің қабыл болсын!