Жалпы мәжіліс азаматтардың құқық­тары мен бостандықтарын қорғау, құқық бұзушылықтардың алдын алу және құқықтық тәртіпті нығайту мақсатында атқарылған профилактикалық іс-шара­ларды қорытындылап, алдағы жұмыс­тарды жоспарлауға арналды. Мәжілісті ашқан аудан әкімінің орынбасары Димаш Байдушев жиында көтерілетін мәсе­лелердің ауқымдылығына тоқталды.

– Мемлекет басшысы Қасым-Жомарт Тоқаев айтқан «Заң мен тәртіп» қағидаты аясында қоғамда құқықтық мәдениетті қалыптастыру, құқық бұзу­шылықтардың алдын алу және осы бағыттағы Президент тапсырмаларын жүзеге асыру бойынша аудан көлемінде кешенді жұмыстар жүргізіліп жатыр, – деді Димаш Серікбайұлы.

Облыс прокурорының бірінші орын­­­­­­басары Исламбек Тынарбайұлы про­­­­­­филактикалық жұмыстардың ма­­­­ңыз­­­­дылығына тоқталып, құқық бұзу­шы­­­­­лықтардың алдын алу бағытындағы жү­йелі іс-шаралар туралы сөз қозғады. Әсі­ресе, алаяқтық, құмар ойындарға тәуел­ділік (лудомания), интернет арқы­лы жасалатын құқық бұзушылықтар сынды деректердің алдын алуда бірлескен жұмыс пен азаматтардың белсенділігі қажет екенін атап өтті.

Жиын соңында аудан әкімінің орынбасары Әділетті Қазақстанды құру жолында Президент тапсырмасына сәйкес «Заң мен тәртіп» қағидатын прокуратура органдары нәтижелі жүзеге асырып келе жатқанын атап өтті. Бұл қағидат құқықтық мемлекеттің берік іргетасы әрі азаматтардың қоғамдық және жеке қауіпсіздігін қамтамасыз етудің негізгі алғышарты екенін айтты. Сонымен қатар осындай маңызды жұмыстарды іске асыру мақсатында ауданға арнайы келіп, мазмұнды кездесу өткізгені үшін облыс прокурорының бірінші орынбасарына аудан жұртшылығының атынан алғыс білдірді.