Cыбайлас жемқорлыққа қарсы мәдениетті қалыптастыру мәселесі қаралды

Бүгін «Сыбайлас жемқорлыққа қарсы іс-қимыл және алдын алу» №4 үлгілік базалық бағыты аясында Сырдария ауданы әкімі аппаратының басшысы, Әдеп жөніндегі уәкіл Н. Ешниязов аудан әкімдігіне қарасты мемлекеттік қызметкелермен кездесті.

Кездесу барысында мемлекеттік қызметтегі этика нормалары, заңнамалық талаптар мен шектеулер түсіндіріліп, жемқорлықтың алдын алу бағытында пікір алмасу жүргізілді.

Сонымен қатар, «Ойын бизнесі туралы» Қазақстан Республикасының Заңында көзделген құмар ойынмен ойнауға (лудомания) шектеу қойылғаны, шектеуді сақтамаған жағдайда мемлекеттік қызметші жұмыстан босатылатыны туралы түсіндірме жұмыстары жүргізілді.

Жиын соңында, Әдеп жөніндегі уәкіл заң талаптарының бұлжытпай сақталуын, адалдық пен ашықтық қағидаттарын ұстануды және сыбайлас жемқорлыққа мүлдем төзбеушілікті қалыптастыру бағытындағы жұмыстарды жандандыру қажеттігін атап өтті.

Сырдария ауданы әкімінің баспасөз қызметі