Аңшы мылтығын механизм бөлшегін заңсыз сақтағаны үшін әкімшілік жазаға тартылды

Сырдария аудандық сотында Қазақстан Республикасының ӘҚБтК-нің 482-бабының1-бөлігі бойынша азамат К.-қа қатысты әкімшілік құқық бұзушылық туралы іс қаралды.

Іс құжаттарына сәйкес, Сырдария ауданы, С.Сейфуллин ауылының тұрғыны К. үй ауласында орналасқан сарай ішінде ішкі істер органында тіркелмеген «ИжК» маркалы аңшы мылтығының механизм бөлшегін  сақтағаны анықталып, әкімшілік құқық бұзушылық туралы хаттама толтырылып, сотқа негізінен қарауға жолданған.

Құқық бұзушының кінәсі, іске тіркелген құжаттармен, маманның қортындысымен дәлелденіп бекітілді.

Сот қаулысымен К. Қазақстан Республикасының ӘҚБтК-нің 482 бабының 1 бөлігімен кінәлі деп танылып,  «ИжК» маркалы аңшы мылтығының механизм бөлшегін жойып, оған 55048 теңге көлемінде әкімшілік айыппұл салынды.

Сырдария аудандық соты

Фото: Н.Нұржаубай