ҚР Салық Кодексінің 13-бабының 3-тармағы 1-тармақшасына сәйкес, салық төлеуші салық міндет­теме­лерін уақытылы және толық көлемде орындауға міндетті екендігін наза­рыңызға салады.

Осыған орай, базарларда жеке кәсіпкер ретінде сауданы жүзеге асыратын болсаңыз бақылау кассалық машинасын (БКМ) міндетті түрде пайдалану, түбіртек басып шығару, кірістерді (табысын) толық көрсету, сауда орында QR-код орналастыру керек екендігін естеріңізге саламыз.

Сізбен сатып алынған тауарға көңіліңіз толмаған кезде Сіздің құқығыңызды және мүддеңізді қорғау кепілдігін қамтамасыз ету үшін, яғни:

тауардың құнын төлеген соң, Cалық кодексімен айқындалған тәр­тіпте Сіз одан бақылау-касса маши­насының фискалды түбіртегін талап етуге құқылысыз.

Сізге сатушы бақылау-касса машинасының фискалды түбіртегін беруге міндетті.

Түбіртекті беруден бас тартқан жағдайда – аталған факті бақылау-касса машинасын қолдану тәртібін бұзу болып табылады және кәсіпкерді әкімшілік жауапкершілікке тартуға әкеліп соғады.

Сауда операциялары, қолма-қол ақша арқылы жұмыстарды орындау, қызметтер көрсету кезінде жүргізілетін ақшалай есеп айырысуды Қазақстан Республикасының аумағында жүзеге асыру кезінде бақылау-кассалық машиналарды қол­данбау, сондай-ақ ақаулы бо­лып табылатын немесе пайдалану орны бойынша мемлекеттік кіріс органының есебінде тұрмаған бақылау-кассалық машиналарды қолдану – ӘҚБтК 284 бабының 1 тармағына сәйкес – бірінші рет ескерту жасауға әкеп соғады.

ӘҚБтК 284 бабының 2 тармағына сәйкес, осы баптың бірінші бөлі­гінде көзделген, әкiмшiлiк жа­за қолданылғаннан кейiн бiр жыл iшiнде қайталап жасалған әрекеттер (әрекетсіздік) – жекеше нотариустарға, жеке сот орындаушыларына, шағын кәсiпкерлiк субъектiлерiне – он бес, орта кәсiпкерлiк субъектiлерiне – отыз, ірі кәсіпкерлік субъектілеріне елу айлық есептiк көрсеткiш мөлшерiнде айыппұл салуға әкеп соғады.

ӘҚБтК 284 бабының 3 тармағына сәйкес, Түбіртекті беруден бас тартқан жағдайда – бақылау-кас­салық машинаның чегін немесе тауар чегін бермеу не бақылау-кассалық машинаның чегін немесе тауар чегін тауарға немесе көрсетілетін қызметке төленген сомадан артық немесе кем сомаға беру – бірінші рет ескерту жасауға әкеп соғады.

ӘҚБтК 284 бабының 4 тармағына сәйкес, осы баптың үшінші бөлі­гінде көзделген, әкімшілік жаза қолданылғаннан кейін бір жыл ішінде қайталап жасалған іс-әрекет – жекеше нотариустарға, жеке сот орындаушыларына, шағын кәсiпкерлiк субъектiлерiне – жиырма, орта кәсiпкерлiк субъектiлерiне – отыз, ірі кәсіпкерлік субъектілеріне қырық айлық есептiк көрсеткiш мөлшерiнде айыппұл салуға әкеп соғатынын Кірістер комитеті ескертеді.