Бақылау-касса машиналарын қолдану талаптары

Құрметті салық төлеушілер!

Қазақстан Респуб­ликасы «Салық және бюджетке төленетін басқа да міндетті төлемдер туралы» Кодексінің 166-бабына сәйкес, қолма-қол ақшалай есеп айырысулар арқылы өз қызметтерін жүзеге асыратын барлық салық төлеушілер бақылау- касса машиналарын қолдануға міндетті.

Бақылау касса машиналарын қолдану кезінде мынандай талаптар қойылады:

1. Ақшалай есепайырысулармен байланысты қыз­­мет басталғанға дейін бақылау касса машинсын салық органында есепке қою қажет.

2. Әрбір тауар, жұмыс, көрсетілетін қызмет үшін төленген сомаға бақылау касса машинасының чегін беру қажет.

Сондай-ақ бақылау касса машинасының чек­тері мынадай ақпараттарды қамтуы тиіс.

1. Салық төлеушінің атауын;

2. Салық төлеушінің сәйкестендіру нөмірін;

3. Бақылау касса машинасының зауыттық нөмірін;

4. Бақылау касса машинасының салық органындағы тіркеу нөмірін;

5. Чектің реттік нөмірін;

6. Тауарларды сатып алу, жұмыстарды орындау, қызметтерді көрсету жасалған күні мен уақы­ты;

7. Тауардың, жұмыстың, көрсетілген қызметтің бір бір­лігі үшін бағасын;

8. Бақылау касса машинасын пайдалатын жер­дің мекен жайын;

9. Бақылау касса машинасының түбіртегі туралы ақпаратты кодталған түрде қамтитын штрих код­ты қамтуы тиіс;

Егерде жоғарыдағы талаптарды сақтамай дерек­терді тіркеу және (немесе) беру функциясы бар бақылау касса машиналарын тіркемеген жағдайда Қазақстан Республикасының Әкімшілік құқықбұзушылық туралы Кодексінің 284 бабына сәйкес жауапкершілік көзделетінін ескертеді.

Толық ақпаратты Сырдария ауданы, Тереңөзек кенті, Қазантаев көшесі №4 ғимаратта орналасқан Сырдария ауданы бойынша Мемлекеттік кірістер бас­қармасының «Салық төлеушілермен жұмыс» бөлімі­нен немесе 8-724-36(21-4-53) телефоны арқы­лы алуға болатындығын хабарлаймыз.

Сырдария ауданы бойынша

Мемлекеттік кірістер басқармасы