Бүгінде жемісті еңбек етіп келе жатқан білікті акушерка ау­данға қарасты Қалжан ахун ауы­лындағы фельдшерлік-аку­шерлік бекетте қызмет атқарады. Қыз­метіне адал маман бола­шағын ме­дицина са­ласына арнау­ды, соның ішінде акушерка бо­лу­ды мақсат етеді. Ар­ман­даған мамандығын меңгеру үшін Жамбыл меди­циналық колледжіне оқуға түсіп, «акушер ісі маманы» бойынша оқуын тәмәмдайды. Қазіргі таңда сол бала күнгі арманы орындалып, 9 жылға жуық ана мен бала денсаулығының сақшысы болып табанды еңбек етуде. Жауапкершілік пен жұмысына деген адалдықты бірінші орынға қоятын жас маман осы ауылдың тумасы.

– Ең алғашқы еңбек жолым осы жерден басталды. Мен ауылдағы барлық әйел адамдарды, аяғы ауыр әйелдерді есепке алып, денсаулығын қадағалап, уақытылы дәрігерге көрінуін, аман-есен босануын қада­ғалаймын. Өткен жылы дүниеге 22 сәби дүниеге келсе, биыл 8 әйелдің аяғы ауыр. Жұмыс барысында неше түрлі жағдайларға кезігіп жатамыз. Осыдан 5 жыл бұрын ай-күні жақындап қалған келіншекті фельдшер Оразкүл Мұратова екеуіміз үйінен босандырып алған кезіміз де болды. Ана мен бала денсаулығын қорғауға атсалысып, көмек көрсете білу абыройлы іс деп білемін және де өз маман­дығымды мақ­тан ете­мін, – дейді тәжі­рибелі акушерка Дана Бо­лат­қызы.

Өзінің бі­лік­тілігі мен тә­жірибесі, ақ адал еңбегінің арқасында ауыл тұрғын­дарының ал­ғы­сына бө­ле­ніп келеді. Қызмет барысында жеткен жетістіктері жетерлік. Өз ісінің маманы жауап­кершілігімен, өзіне жүктелген мін­детті абыроймен атқарып келе жатқан кейіпкеріміз әріптестерінің арасында сыйлы.

–Дана өз қызметіне жауап­кершілікпен қарайтын, адал атқаратын мақтаулы маман. Еңбегімен алғыс алып жүрген медбике. Әрбір жүкті әйелдің көңілін таба біледі, – дейді әріптесі, мейірбике Жанат Жұмаділ.

Дана Дүйсенбаева қызметінде тәжірибелі акушер болса, отбасында асыл жар, аяулы ана. Жолдасы Жәнібек Абдрашовпен 2018 жылы отбасын құрған. Берекелі шаңырағында 2 бала тәрбиелеп отырған ата-ана.

Антына адал, қызметінен қуа­ныш пен бақыт таба білген Дана Болат­қызына ауыл тұрғындарының алғысына бөлене беріңіз демекпіз.