Бұзақылық жазасыз қалмайды
Елімізде ескерткіштерді қирату, түрлі нысандарды бүлдіру, сындыру фактілері жиілеген. Былтыр вандализм жасаған 5 мыңнан аса адам анықталған. Бұзақылар ұсталған жағдайда жазасыз қалмайтыны түсінікті. Бірақ көшедегі жүгенсіздік «қоғамдық эпидемияға» айналмас үшін не істеу керек?Әйнегі сынып, төбесі опырылған аялдамалар мен қоқыс салғыштың сұрықсыз күйін қазір еліміздің кез келген қаласынан кезіктіруге болады. Тіпті күндіз-түні күзетілетін нысандардың да орындықтары сынып, жол сілтейтін көрсеткіштері мен ескерту тақтайшалары бұзақылардың «құрбанына» айналған.
Осы орайда №37 мектеп-лицейінің 10 сынып оқушыларына "Қоғамдық мүлікті қорға!" тақырыбында түсіндірме жұмыстары жүргізілді.
Елімізде «вандализм» ұғымына кіретін әрекеттерді көп жағдайда жастар қауымы жасайды. Вандализм көбінесе үрейден, қаттылықтан, агрессиядан болады. Вандализмге алып келетін жолдар: онтогенді, яғни дұрыс емес тәрбие көзі, гипер немесе гипо байектеу баланы, жағымсыз орта болса, биогенді түрде ол шығу тегі (ішімдікке әуестік, психопатия, психикалық ауытқулары агрессивті түрде) арқылы генетикалық тұрғыда ұшырайды.
Кейінгі уақытта вандализм мәселесі ушығып тұр. Күн сайын БАҚ беттерінде біреулердің халықтың мүлкін, коммуналдық меншігін бүлдіргені туралы жаңалықтар желдей есіп жүр. Вандализм дерті эпидемия сынды. Мемлекет басшысының жақында айтқан сөзінде халықтың құқықтық сауатын арттыру және қоғамдық тәртіпсіздіктер мен мәдениетсіздікті болдырмау жөніндегі міндеттер ерекше өзектілікке ие болып отыр.
