Тіршілік тынысы Tirshilik-tynysy.kz ақпараттық агенттігі
» » Вандализм бе, әлде бұзақылық па?

Вандализм бе, әлде бұзақылық па?

Ежелгі Римде «қиратушы», «сындырушы» дегенді білдіретін вандализм сөзі 450 жылдары пайда болған. Рим империя болып тұрғанда, мәдениеті осал тайпалар Римнің архитектуралық құрылыстарын қиратқандарға қатысты айтылған термин. Вандалдар.

Сол заманнан бері ғасыр түгіл, дәуір көшті. Алайда дәлдүріштердің әлі де бар екеніне көзіміз жетіп отыр. Алыстан арбаламай, жақыннан дорбалап қараңызшы.

Кент орталығына кіреберісте балаларға арналған алаңдар мен спорттық ойын алаңқайлары бар. Қарасаң көз тоятын көрнекті жер. Бірақ біз соны күтіп ұстай алмай отырғанымыз жанға батады.

Мемлекеттен қажетіміз үшін қаржы бөлдіріп, балалардың бос уақытын дұрыс өткізуге зер салып салдырдық. Енді осыншама теңгеге келген дүниені неге біз қиратамыз?!

«Үкіметтің заты» деп емес, оны әрбіріміз өз үйіміздегідей күтіп ұстай аламыз. Қажетімізге жаратып отырған соң, балаларды «қиратпауға, бүлдірмеуге» үйретейікші!

Р.S. Вандализм – көше қасыреті. Қоғамға деген ең ауыр қастандық. Сондықтан оған қарсы күресті де қатаңдату керек. Әйтпесе мұның соңы неге апарарын кім біледі?




Сырдария ауданы әкімінің баспасөз қызметі
18 шілде 2022 ж. 307 0