Жөндеу жұмыстары ұдайы бақылауда
Біз бұған дейін облыс бойынша Сырдария ауданында «Паллиативтік көмек көрсету» бөлімшесінің ашылатындығын хабарлаған болатынбыз. Аталған аурухананың күрделі жөндеу жұмыстарын бақылау мақсатында бірнеше мәрте облыстық денсаулық сақтау басқармасының басшысы Олжас Искаков арнайы іс-сапармен келген еді. Бұл ретте, басқарма басшысы мен Сырдария аудандық ауруханасының бас дәрігерінің тапсырмасы аясында құрылыс жұмыстарының сапалы жасалуына сала мамандары зерделеу жүргізді.
Бас дәрігердің емдеу ісі жөніндегі орынбасары Еркін Жаңабайұлы, шаруашылық бөлімінің басшысы Қайрат Сүлейменов, бас медбике Райса Анасова, аурухананың жөндеу жұмысын аралап көрді.
Алдағы уақытта емделушілерге қолайлы орта қалыптастыру негізінде жоспарлы жұмыстар жүзеге асыралатын болады.
