Жұмыс барысы нақытыланды

Бүгін облыс әкімінің орынбасары С.Сүлейменов жұмыс сапарымен Сырдария ауданында болып, мемлекеттік бағдарламалар аясында құрылысы жүріп жатқан тұрғын үй мен жол жөндеу жұмыстары, Тереңөзек кентін газдандыру, коммуналдық шаруашылық саласының жай-күйі жайындағы мәжіліс өтікізді.

Мәжілісте аудан әкімі Р.Рүстемов бүгінде ауданда мемлекеттік бағдарламалар шеңберінде жобаларды жүзеге асыру барысында бірінші кезекте жаңа жұмыс орындарын ашу белгіленгенін айта келе, жобалардан үнемделген қаржыларды қайта бағыттау жөнінде салалық басқармаларға ұсыныс енгізілгенін жеткізді. Сондай-ақ, салалық басқарма басшылары Сырдария ауданында атқарылып жатқан жұмыстар мен түйінді мәселелерге тоқталды.

Жиын соңында облыс әкімінің орынбасары тиісті басқарма басшылары мен аудан әкімдігіне тапсырмалар жүктеді.