1984 жылғы бітіруші түлектер "Мен таза қазақ тілінде сөйлеймін" атты сайысында бақ сынады
Аудан орталығындағы №35, яғни бұрынғы М.И.Калинин атындағы орта мектебінің 1984 жылғы бітіруші түлектері арасында ватцап желісінде 2024 жылдың 21-28 шілде аралығында "Мен таза қазақ тілінде сөйлеймін" атты сайыс өткізілген болатын. Бұл сайысты өткізудегі басты мақсат – қазақ тілінің мәртебесін көтеріп, одан бөлек қатысушылар арасында тіл тазалығын, тіл байлығын кеңейту болып табылады.Қазіргі таңда таза қазақ тілінде сөйлейтін жандар кемде-кем. Міндетті түрде арасында орысша термин сөздер қосып сөйлеу әдетке айналған. Міне осындай кемшін тұстарды азайту үшін осындай сайыстар жиі өткізіп тұру қажет деген пікірдемін. Осындай бастамаларды әрдайым қолдаймын, – дейді сайысқа қатысушы Бекзат Меңлібаева.
Тартысты өткен сайыс нәтижесі бойынша жүлделі 1-орынды Бекзат Меңлібаева иеленсе, 2-орынды Мейрамкүл Үсенова, ал 3-орын иегері Мира Тұрмаханова атанды.
Фото: Turkystan.kz
