Ардагерге құрмет көрсетті
Аудандық мәдениет үйінде өткізілген іс-шараға денсаулығына байланысты қатыса алмаған ардагер журналист Мұхтар Сақтаповты редакция ұжымы кәсіби мерекесімен қарашаңырағына барып құттықтап, құрмет көрсетті. Аудандық газеттің бас редакторы А.Ибрагимұлы ақынға аудан әкімінің құттықтауын жеткізіп, ыстық ықыласын білдірді.Құрмет көрсету іс-шарасына бас редактордың орынбасары А.Мұханбетқали, шығармашылық топ өкілдері Б.Жанәлі мен Б.Ордабеков қатысты.
– Газеттің мерейтойы жыл басынан бері жақсы аталып өтіліп, көп іс-шара ұйымдастырылды. Биыл кәсіби мерекеміз аудандық мәдениет үйінде өткізілді. Ардагерлерге және редакция қызметкерлеріне аудан басшысы құрмет көрсетті. Берік Әбдіғаппарұлы «Сыр қаламгерлері сәт сайын ақпарат таратумен қатар, мемлекет пен қоғамды байланыстыратын алтын көпір қызметін атқаруда. Тарих еншісінде қалған 85 жылдық белесте аудандық газетте көптеген қарымды қаламгерлер жемісті жұмыс істеді» деп атап өтті. Сіздің де ерен еңбегіңіз, қажырлы қызметіңіз редакция тарихында алтын әріппен жазулы. Мерекеңіз құтты болсын, – деді А.Ибрагимұлы.
Өз кезегінде ақын М.Сақтапов әріптестеріне алғысын айтып, ақ батасын берді.
"Тт" ақпарат
