Тіршілік тынысы Tirshilik-tynysy.kz ақпараттық агенттігі
» » Қазақстанның құрметті кітапханашысы

Қазақстанның құрметті кітапханашысы

Кітапханашылардың төл мерекесінде ұзақ жылдар аудандық кітапханада еңбек етіп келе жатқан мамандардың еңбегі еленіп, Қазақстанның құрметті кітапханашысы төсбелгісімен марапатталды. Бұл марапатқа аудандық орталық кітапхананың кітапханашылары Балмағамбетова Майра Сражадинқызы және Сейтен Сайра Бәкірқызы лайықты деп танылды.

Қос кітапханашы да көп уақыттан бері осы салада­ ең­бек етіп келеді. Кітап­ханаға оқырмандарды тарту, оқ­ыр­мандарды қатыстыра оты­­­рып түрлі та­қырыптық іс-шаралар өткізу, кездесулер ұйымдасты­ру бағытындағы жұ­мыстарға белсене атсалысуда. Сонымен қатар кәсіби маман­дар аудандық мәдениет үйінде өтетін ресми мерекелік іс-шараларда кітап көрмелерін әзірлеп, оны жұртшылыққа таныстыру ісінде де белсенді. Қос маманның Қазақстанның құр­­метті кітапханашысы атануы ұз­­ақ жылғы еңбек пен маңдай тер­дің, ауданның әдеби-мәдени да­муына қосқан үлесінің жемісі екені анық.

– Кітапхана саласынсыз өмі­рімді елестете алмаймын. Осы са­ланың қызығы мен қиын­дығын қатар көріп, түрлі іс-шараларды ұйым­дастырып жүрміз. Ең бас­тысы біздің жұмысымыздың маң­ыздылығы бүгін үшін де, бола­шақ үшін де аса қажетті. Мере­кемізде еңбегіміздің елен­ге­ніне қуаныштымын, – дейді Майра Балмағамбетова.

Ал Сайра Сейтен Қазақ­станның құрметті кітап­хана­шысы атану зор қуа­ныш сыйлау­­мен қатар үлкен жауап­кершілік жүк­­тейтінін айтады. Сондықтан ал­­дағы уа­қытта да ауданның ру­хани-мәдени тыныс-тіршілі­гінде бел­­сене еңбек етуге ынталы.

– «Кітап – сарқылмас қазына» деп бекер айтылмаған. Осы қазынаға ие болып, оны ұқыпты ұстап, оқырмандарға таны­с­­тырып, ақын-жазушылардың шығармашылығын насихаттау бағытында еңбек етіп келе жат­қаныма қуаныштымын. Ауданымыз гүлдене берсін, – дейді Сайра Бәкірқызы.

«Тт» ақпарат
31 қазан 2023 ж. 185 0