Ұлы ұстаздың – еңбек жолы

Әбу Насыр әл-Фарабидің 1150 жылдығына орай Асқар Тоқ­ма­ғамбетов ауылдық №5 филиал модельді кітапханасының кітапханашысы Гүлнар Қаражанова мен №135 орта мектептің кітапханашысы Әсел Рахметолланың ұйымдастыруымен «Ұлы ұстаздың – еңбек жолы» тақырыбында тарихи-танымдық сағат өтті.

Іс-шараға кітапхана оқырмандары, мектеп мұғалімдері, оқу­шылар қатысты. Тарихи-таным сағатта әлемнің екінші ұстазы әл-Фарабидің өмірі, еңбек жолы туралы кеңінен мағлұмат бе­рілді. Оқырман ұлы тұлғаның адамзатты ізгілікке үндеген еңбектерімен танысты. Сонымен қатар әл-Фарабидің нақыл сөз­дері айтылып, слайд арқылы «Әлемдегі екінші ұстаз атанған ғұ­лама Әбу Насыр әл-Фараби жайлы не білесіздер?» тақырыбында ақпараттар ұсынылды.

Шара барысында мектеп оқушылары Әбу Насыр әл-Фарабиге арналған өлең шумақтарын оқыды. Мектеп оқушылары Қорған Бақытбек, Мәди Мұратбек, Шахназ Бәйділдаев, Нұрдәулет Әбі­ләкім, Нұржан Нұғымадилла, Ақылбек Бақытжанұлы, Самира Ахметбек, Нұрайым Бәрзубек, Ақниет Базарбаева тарихи танымдық іс-шараға белсене қатысқаны үшін Алғыс хатпен маратталды. «Әбу Насыр әл-Фараби – өркениет философы» тақырыбындағы кітап көрмесін ауылдық кітапхананың кітапханашысы Гүлнар Қаражанова таныстырды. Үш бөлімнен тұратын кітап көрмесіне ұлы ойшылдың өмірі мен қызметі жайында кітаптар, фотосуреттер, дәйексөздер қойылған.

Е.БЕРКІНБАЕВ