Әлеуметтік-экономикалық жаңғырудың тетігі

Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауын жариялағаны баршаға мәлім. Жолдауда қамтылған барлық мәселенің назарымызға түйдік. Әрине, ел көңілінен шығатын бірнеше ауқымды жобалар қолға алынбақ. Туризм саласын дамытуға қатысты Мемлекет басшысының келелі басым-бағыттары алдағы уақытта жүзеге асса, құба-құп.

Шын мәнінде, туризм саласын өркендету – күн тәртібінен түспейді. Республика аумағында көрікті, айшықты жерлер жеткілікті. Сондықтан аталған мәселеге байланысты кешенді іс-шаралар жүргізіледі деп сенеміз. Айта кетейік, Мемлекет басшысы ең төменгі жалақы мөлшерін 85 мың теңгеге жеткізу бастамасын көтерді. Қазіргі таңда халықтың әл-аухатын жақсартуға аса көңіл бөлген дұрыс. Әлеуметтік жағдайды жақсарту арқылы халықтық тұрмыс сапасын арттыруға болады. Біз келешекте Жолдаудан туындайтын мәселердің шешімі болатындығын сеземіз.

Анар ҚАЛДЫБАЕВА,
аудандық мәслихат депутаты