Көпқабатты үйлердің тұрғындарымен кездесті

Аудан әкімі Берік Сәрменбаев аудандық Қоғамдық кеңес мүшелерімен бірге Тереңөзек кентіндегі көпқабатты үйлердің тұрғындарымен кездесті.

Кездесу барысында аудан басшысы көпқабатты тұрғын үйлердің коммуналдық төлемдеріне тоқталып, оның ішінде жылу маусымына дайын болу үшін берешектің болмауын атап өтті. Сондай-ақ, тұрғын үй аумағындағы тазалыққа ерекше мән беруді айтты.

Қоғамдық кеңес мүшелері де қоғамдық тыныштықты сақтауға қатысты пікірлерін білдірді. Көпқабатты үйлердің тұрғындары аудан әкіміне ұсыныс-пікірлерін жеткізді.

Сырдария ауданы әкімінің баспасөз қызметі