10 ардагерді газетке жазып берді

Бүгінде мерзімді баспасөзге жазылу науқаны жүргізіліп, аудандық «Тіршілік тынысы» газетін демеушілік есебінен ке­лесі 6 айлықта жаздырып беру жолға қойылған. Осы орайда, аудандық мәслихат депутаты, «Сұлу-ай» шығармашылық өнер орталығының құрылтайшысы, Ғафурдин Жанұзақов атындағы Айдарлы ауылдық клуб үйінің директоры Анар Қалдыбаева 10 ардагерді 6 айға «Тіршілік тынысы» газетіне жазып берді. Ауданның жаңалықтар жаршысы бола білген басылымды алдағы уақытта айдарлылық 10 ардагер үзбей оқитын болады.

– Біз қашанда ардагерлерді құрмет тұтып, барлық жағ­дайды жасай білуіміз керек. Отбасында ұл-қызына, неме­ресіне өмірлік жол көрсете білген ақылман қариялар еш­уақытта газеттен қол үзбеуі тиіс. Олардың айтқан ақылы­мен зор жетістікке, толағай табысқа қол жеткізіп келеміз, – деді А.Қалдыбаева.

Осы ретте, біздің тұрақты оқырмандарымызды қуанта білген газет жанашырына зор алғысымызды айтамыз.

«Тт» ақпарат