Тіршілік тынысы Tirshilik-tynysy.kz ақпараттық агенттігі
» » «Балбөбек» – балғындардың сүйікті мекені

«Балбөбек» – балғындардың сүйікті мекені

Бүгінгі балақай – ертеңгі жасөспірім. Биылғы жыл­дың «Балалар жылы» деп жариялануына орай газет бетінде аудандағы ба­лабақша жұмысы ақпа­раттандырып келеді. Жас­­тар күні қарсаңында елі­міздің ертеңі саналатын бүлдіршіндерге мектеп­ке дейінгі тәрбие беріп отыр­ған «Балбөбек» бө­бек­­жайы туралы айтатын боламыз.

Балғындардың сүйікті мекеніне айнал­ған «Балбөбек» бөбекжайы – Шаған ауылын­дағы мемлекеттік балабақша. 75 орынға арналған бөбекжай 2017 жылы ашылып, қазір мұнда 65 балдырған мектепке дейінгі тәрбиемен қамтылуда.

Ауыл балаларын екі жастан бастап қа­былдайтын балабақша қос қабатты ғи­ма­ратта орналасқан. Балабақшада 3 топқа арналған қабылдау бөлмесі, ойын, жатын бөлмелері бар. Мейірбике, психолог, әдіскер кабинеттері жұмыс жасайды. Асхана, кір жуу бөлігі ыңғайлы. Балабақшада бүлдіршіндер мектеп жасына жеткенше тәрбиеленді. Олар­ды оқумен, медициналық бақылаумен қамтып, өмірін қорғайды. Бөбекжайда де­не, зияткерлік және жеке тұлғалық дамуын­ қамтамасыз ететін оңтайлы жағдайлар жа­салған. Сонымен қатар тәрбиеші маман­дар бүлдіршіндерді азаматтылыққа, қор­шаған табиғатқа, Отанға, отбасына деген сүйіспеншілікке тәрбиелейді. Ата-ана­лар­ға балаларды тәрбиелеу, оқыту, дамыту және денсаулығын қорғау бойынша кеңес беру және әдістемелік көмек көрсету қыз­метін көрсетеді.

Балабақшадағы балғындар жас ерек­шелігі бойынша «Балапан», «Ботақан», «Күн­шуақ» тобына бөлінген.
Балаларға 11 педагог тәрбие береді. Тәрбиешілер балалардың денсаулығын ны­­ғайту үшін қимылды ойындар арқылы қимыл-қозғалыс белсенділігі әрекеттерінің тиім­ділігіне аса мән береді. Сондай-ақ ұйым­дастырылған оқу қызметі барысында балалардың ауызекі сөйлеу мәнерін жет­кізе, ертегіні кейіпкерлендіру барысында диалогтық, монологтық қарым-қатынасын ескеріп, байланыстырып сөйлеуін дамытады.

«Денсаулық», «Коммуникация», «Таным», «Шығармашылық» білім беру саласы бойынша балалармен күн сайын түрлі қызықты оқу қызметі өткізіледі. Ұйым­дас­тырылған оқу қызметінде балаларды спорт­қа баулып, балалардың ауызекі сөй­леуін дамытады. Кішкентай бүлдіршіндер маман­дардан ана тілінің барлық дыбысын дұрыс айтуға, байланыстырып сөйлеуге қа­білеттерін да­мытуға машығады. Білімнің алғашқы бас­палдағы қаланатын балабақшада ашық оқу қызметі жоспарға сәйкес өтіледі. «Менің ойыншығым» тақырыбында ашық оқу қыз­меті, тіл мерекесіне орай «Ана тілім – ар­дақ­тым» тақырыбындағы ертеңгілік, «Бауыр­сақ» және «Шалқан» ертегілерінен ашық оқу қызметі сәтті өткен. «Арайлы алтын күз», «Тәуілсіз елім – тірегім», «Келді міне, Жаңа жыл!», «Анашым – мақтанышым!», «Қош келдің, әз-Наурыз!» тақырыптарында топтарда ертеңгіліктер мерекелік даталарға орай ата-аналардың қатысуымен тамашаланатын іс-шаралар қатарында.

Балабақшада бүлдіршіндер танымдық іс-әрекеттерінің дамуына ықпал ету үшін реттік сандарды және сандық таң­ба­лар­ды санауды, есептеуді үйренеді. Сен­­сор­лық-дидактикалық ойындарды ұй­ым­­­дастыру, қоршаған орта мен таби­ғатты зерттеу мүмкіндігін қарастырып, қара­пайым математикалық ұғымдарды және құры­лымдық іс-әрекеттің тәсілдерін меңге­реді. «Көліктер» тақырыбында, «Үш­бұрыш» та­қы­рыбында ашық оқу қызметі «Таным» сала­сы бойынша ұйымдастырылған.

Әрбір тәрбиеші оқу қызметінде «Шығар­машылық» білім беру саласы бойынша ба­лалардың эстетикалық талғамы мен өнер туындыларына деген қызығушылықтарын арттырады. Ән-күй саласында музыкалық аспаптарды толық атау, түрлі би қимылдарын орындау, тағы басқа мемлекеттік стандартқа сай барлық талаптарды қамтуды іске асырады. Сонымен қатар балалар қоршаған ор­та, экологиялық оқу қызметтері бойынша табиғатты қорғауға, аялауға, үлкендердің еңбегін бағалай білуге, бір-бірін сыйлай білуге, құрметтеуге үйренуде. Барлық оқу қызметі көрнекіліктерге бай, эстетикалық талғамға сай жасалынған, театр түрлері бар, күнделікті жаңартылып отырылады. Сол бойынша балалармен күннің екінші жар­тысында жұмыстар жүргізіледі.

– Биылғы жылы балабақшаның іс-тә­жірибесі бойынша «Ұйымдастырылған оқу қызметтерін ойын түрінде өткізу арқылы балалардың қызығушылықтарын арттыру» тақырыбында аудандық әдістемелік се­минар өткізілді. Семинарға мемлекеттік жә­не жеке балабақшалардан 40-қа жуық мамандар қатысты. Балабақша әдіскері М.Қанатбаева «Ойын – балаларды дамыту құралы тақырыбында таныстырылым көрсетті. Семинар барысында «Күншуақ» ортаңғы тобында тәрбиеші А.Үсенғазиева «Жаратылыстану» оқу қызметінен «Құстар ұшып келді» тақырыбында, тәрбиеші Ә.Тайманова «Алтын балық қайда тұрады?» тақырыбында, «Ботақан» кіші тобында тәрбиеші А.Қалмаханова «Жәндіктер- кіш­кентай көмекшілер» тақырыбында, музыка жетекшісі Р.Құлмаханова «Жән­дік­тер әлемі» тақырыбында ашық ұйым­­­дастырылған оқу қызметтерін, психо­лог С.Тұрсынова «Жақсы көңіл-күй жан азығы» тақырыбында психологиялық тренинг жұмысын жүргізіп, тәжірибелерімен бө­лісті.

Семинар музыка жетекшісі Н.Жақсылық­тың ұйымдастыруымен «Жарық жұл­дыз­дар» тақырыбындағы балалардың кон­церт­тік бағдарламасын тамашалаумен аяқ­талды. Жоғары деңгейде өткен семинар­да тәрбиешілер марапатталды, – дейді бө­бек­жай меңгерушісі Гүлжан Еңсебаева.

Педагогтердің қатарында шығармашы­лық жетістіктерге жеткендер де бар. Олар А.Үсен­ғазиева, А Қалмаханова, Ә.Таймано­ва, З.Балтабаева, С.Тұрсынова, Н.Жақсы­лық, Қ.Бекниязова, Р.Құлмаханова, С.Се­йіт­ас­­­­қа­рова. Республикалық, облыс­тық, ау­­­дан­­­дық бай­қаулардың жеңім­пазы атанған тәр­­­­биешілердің шәкірттері де жетістіктерге жеткен. Сурет салу байқауында К.Сей­дулла, А.Әлихан, К.Арыстанбек, К.Ертай, А.Мейрам­бекұлы жүлдегер атанды. Өнер­лі балғындар Ш.Аманкелді, А.Асқар. А.Әсет­қызы, Д.Тыныс­хан, Н.Медет байқауларда жұл­дызы жанды.

Кішкентай қолөнершілер М.Ықылас, С.Сайн, Н.Марат, Ж.Әбдіғаппар, М.Қалыбек, А.Әлихан, Г.Оразғали, А.Сақтаған, К.Әбді­ләди, А.Әсетқызы ерекше дарынымен ма­ра­пат­тал­­ған бүл­діршіндер.

Балаларды өнерге, мектепке дейінгі білімге тәрбиелеп, болашақ еліміздің дарынды ұрпағы ретін­де саналы білім беруді мақсат еткен «Бал­бөбек» бөбекжай бала­бақшасының ұжымына шығар­машылық табыс тілейміз.



Бибісара ЖАНӘЛІ
13 тамыз 2022 ж. 386 0