Спорт алаңының құрылысы қарқынды ма?

Қазіргі уақытта кез келген мемлекеттің бұқаралық спортты дамытудағы басты міндеттерінің бірі оны халық арасында тарату, және оны барлық жастағы адамдар үшін қолжетімді ету болып табылады.

Осы орайда, Қазақстан Республикасы Парламенті Мәжілісі Төрағасының орынбасары Балайым Туғанбайқызы Кесебаева Сырдария ауданына сапары аясында Сырдария ауданы бойынша «AMANAT» партиясының «Өзгерістер жолы: әр азаматқа лайықты өмір» атты сайлауалды бағдарламасы аясындағы Жол картасының бұқаралық спорт үшін жағдай жасау бағытында бой көтеріп жатқан стритбол алаңының құрылыс жұмыстарымен танысты.

№11 Сырдария ауданының олимпиадалық резервтың мамандандырылған балалар-жасөспірімдер мектебі алаңына салынып жатырған жаттығу және стритбол алаңы құрылысы бойынша мердігер мекеме "Пульс" ЖШС-і арқылы құрылыс-монтаждау жұмыстары толық аяқталып, қабылдау жұмыстарына құжаттары әзірленуде. Спорт алаңы ағымдағы айдың ішінде, яғни шілде айында пайдалануға берілмек.