"Жұмыспен қамтудың жол картасы" бағдарламасы бойынша спорт кешені ағымдағы жөндеуден өткізілуде

Бүгін облыс әкімінің орынбасары Серік Ахмет аудандағы «Жұмыспен қамтудың жол картасы» бағдарламасы бойынша «№11 Сырдария ауданының олимпиадалық резервтің мамандандырылған балалар-жасөспірімдер мектебіне» жасалып жатқан ағымдағы жөндеу жұмыстарын көрді.

Спорт сауықтыру кешені 2014 жылы қолданысқа берілген болатын. Қазіргі таңда есіктері ауыстырылып, сырлау, кәріз құбырларын орнату және тағы басқа да жұмыстар жүргізілуде. Ағымдағы жөндеуге жергілікті жерден 3 адам жұмысқа тартылған.

Спорттық кешенді араллап көрген облыс әкімінің орынбасары құрылыс жұмыстарының сапалы жүргізілуін бақылау керектігін айтты. Спортшылардың биік белестерді бағындыруына барлық жағдай жасалу қажеттілігін атады.