Тіршілік тынысы Tirshilik-tynysy.kz ақпараттық агенттігі
» » 200-ге жуық жас жұмыспен қамтылады

200-ге жуық жас жұмыспен қамтылады

Көркейту-көгалдандыру жұмысын жанданды­ру арқылы қоршаған ортаның тазалығына аса мән беріледі. Жыл сайын аудан бойынша сани­тарлық тазалық жүргізу барысы күшей­тіледі. Бүгінде сенбіліктен бөлек, «Жасыл ел» рес­пуб­ликалық бағдарламасы шеңберінде жас­тар ау­данның көркеюіне үлес қосуда. Осыдан 17 жыл бұрын бастау алған бағдарламаның игі­лігін биыл 200-ге жуық сырдариялық жас көрмек.

«Жасыл ел» республикалық бағ­дарламасы мамыр, маусым, шілде, тамыз айларында аудан аумағында жүзегі асыры­лады. Әр ай сайын 50 жас жұ­мыспен қамтылып, 50 мың теңге жалақы төленеді. Өткен жылы бағдарлама шапағатын тек те­реңөзектік жастар көрсе, бұл мау­сымда Аманкелді, Айдарлы, Шаған, Қалжан ахун ауылдық округтерінде де «Жасыл ел» жа­сағының сарбаздары жа­сақ­тал­ды.

– Күнделікті «Жасыл ел» жа­­­сағының сарбаздары Те­рең­өзек кенті мен ауылдық ок­руг­тердегі қоқысты тазалау, кө­галдандыру, абаттандыру, ағаш­тарды қопсыту, арам шөп­терді жұлу сияқты жұмыстармен айналысуда. Айта кетейік, Қал­жан ахун ауылының жас­та­ры балалар ойын алаңын жөн­деп, қайта қалыпқа келтірді. Ауыл жастарының игілікті ісіне жергілікті тұрғындар алғыс айтуда. Балалар қазіргі уақытта ойын алаңына келіп, жазғы демаласын қызықты өткізуде. Мәселен, Тереңөзек кентіндегі жастар ор­талық алаң, орталық саябақ, Д.Қо­наев көшесін күл-қоқыстан арылтуда. Көше бойын­дағы шөп­терді жұлып, аяқ су жү­ретін қа­рықтардың өзектерін ашуда, – дейді аудандық жастар ре­сурс­тық орталығының маманы Нұр­дәу­­лет Өтепбергенов.

Өз кезегінде Қалжан ахун ауы­лының белсенді жасы Ербол Жақыпов өз замандастарын «Жасыл ел» жасағында жұмыс іс­теуге шақырды.

– Қазақта «Жас адам – қыз­метке, кәрі адам – кеңеске» деген мақал бар. Еліміздің партиотты жастары уақытында еңбекке араласып, жан-жақтылығымен танылу керек. Қай кезде де үл­кеннің ақылын тыңдап, нәти­желі жұ­мыс істей білу – парызымыз. Ау­данның көркеюіне «Жа­сыл ел» республикалық бағ­дар­ламасының тиімділігі зор. Біз­дер бос уақы­тымызды тиімді пайдаланып, көркейту-көгалдандыру жұмысын атқару­дамыз. Өз кезегінде ауылдардан жұмыс көзі ашылғанына қуа­­­ныштымыз. Жаз айларында әрбір үйдің өскелең жастары қа­­ра­жат табуға мүмкіндік алады. Өзім секілді жас­тар өз еңбегімен ақша тауып, отбасына болысқаны жақсы. Бұл ретте аудан жастарын жұмыс іс­теуге шақырамын. «Жасыл ел» жасағында қызмет еткен әрбір сарбаздың бойында патриоттық сезім қалыптасса қуанарлық дүние. Өз замандас­тарымызбен қызықты күн­дер­ді бірге өткізіп, жаңа достар табудамыз, – дейді жалынды жас.





Балтабай ОРДАБЕКОВ
14 маусым 2022 ж. 221 0