Аудандық полиция бөлімінде кездесу өтті
Бүгін аудандық партия филиалы жанынан құрылған штаб мүшелері аудандық Полиция бөлімінің жеке құрамымен кездесу өткізді. Кездесудің басты мақсаты 5 маусымда өтетін жалпыхалықтық референдумның мәні мен маңызын түсіндіру. Аталмыш кездесуге аудандық штаб төрағасы, атқарушы хатшы Е.Жақып, облыстық мәслихат депутаты, штаб мүшесі Р.Есенов және аудандық мәслихат хатшысы, штаб мүшесі Е.Әжікенов қатысты. Кездесу барысында Ата Заңымызға жасалатын толықтырулар мен өзгертулер жайлы нақты айтылып, 5 маусымда дауыс беруге шақырылды. Өз кезегінде аудандық Полиция бөлімінің қызметкерлері айтулы шарадан қалыс қалмайтындықтарын жеткізді.
