Саяси жүйені жетілдіру бастамасы

Маңызды мәлімдемеде Ел Президенті Жаңа Қазақстан құру жолын­дағы жаңа бастама ретінде Ата Заңның үштен бір бөлігіне өзгерістер енгізу қажеттігін айтты. Ол үшін бүкіл халық болып референдум арқылы дауыс беру маңызды.

Конституция президенттік жүйені нығайтуға емес, мемлекетті жетіл­діруге бағытталмақ. Осыдан 27 жыл бұрын қа­былданған Констуцияның негізгі баптары түбегейлі өзгеріп, халықтың мүддесі бірінші орынға қо­йылады. Яғни адам құқығы басты назарға алынады.

Ел Президенті Қасым-Жомарт Тоқаев Конституциялық сот құры­ла­тын­дығын жеткізді. Әрине, адам құқықтарының Заң жүзінде қорғалуы сая­си реформалардың бастауы деп білеміз. Қай кезде де мемлекет өз азаматтарына қамқорлық жасауы тиіс. Елдің дамуы жолында адами құн­дылықтар басты назарда болады. Бұл ретте, еліміз бойынша өлім жазасы мүлдем жойылатындығына қуаныштымыз.

Шын мәнінде Президенттің сөзінен мемлекеттің алдында екінші рес­публиканы құру мақсаты тұрғанын айқын аңғардық. Сондықтан болаша­ғымыздың жарқын болуы мақсатында енгізілетін жаңа өзгерістер әрбір қазақстандықтың өмір сүру сапасын жақсартады деген сенімдеміз. Жаңа Қазақстанды бірге құруға өз үлесімізді қосайық!

Жандос ӘБУБӘКІРОВ,
аудандық Қоғамдық кеңес хатшысы