Еліміз үлкен өзгерістің алдында тұр

Президент Қасым-Жомарт Тоқаев мемлекеттегі саяси жүйені түбегейлі өзгерту үшін Ата Заңымызға енгізілетін толықтыруларды жалпыхалықтық референдумда талқылау туралы ұсыныс білдірді. Соған байланысты бей­не­үндеу жасады.

Мемлекет басшысы «Біз жаңа мемлекеттік модельге, мемлекет пен қо­ғамның өзара іс-қимылының жаңа форматына көшеміз. Бұл сапалы түр­де өзгеруді «Екінші Республика» деп атауға болады. Жұмыс тобы Ата Заң­ның 33 бабына түзетулер әзірледі. Бұл – тұтас Конституцияның үштен бір бөлігі. Осы өзгерістерді енгізу туралы Заң жобасы Конституциялық ке­ңестің қарауына жіберілді, жақын арада шешімін шығарады» деді. Осыған байланысты өзгертулер мен толықтырулар халық талқысына түспек.

Әрине, Конституцияның жаңа заман талаптарына сай өзгертілуі ке­рек-ақ. Өйткені «Жаңа Қазақстан» құру үшін жаңа мемлекеттік модель­ге, мемлекет пен қоғамның өзара іс-қимылының жаңа форматына кө­шуі­міз қажет. Бұл тұста референдумның өтуі өте маңызды. Сол арқылы қа­зақстандықтар пікірлерін еркін білдіріп, демократиялық бастамаға үн қо­сады. Оның мемлекетті өркендетуге ықпалы зор.

Бүгінде еліміз үлкен өзгерістің алдында тұр. Сондықтан жалпы­ха­лық­тық референдумға ұлт болып жауапкершілікпен, болашаққа деген зор сеніммен атсалысайық!

Жұмабек Ембергенов,
аудандық мәслихат депутаты