Ел мүддесі ескеріледі
Мемлекет басшысы Қ.Тоқаевтың конституциялық референдум өткізу туралы Үндеуін ақпарат құралдарынан тыңдадық. Бұл бастаманы халық бірауыздан қолдауда.Ел Президенті Жаңа Қазақстан құру жолындағы жаңа бастама ретінде Ата Заңның үштен бір бөлігіне өзгерістер енгізу қажеттігін айтты. Ол үшін бүкіл халық болып референдум арқылы дауыс беру маңызды. Яғни, Конституция президенттік жүйені нығайтуды емес, мемлекетті жетілдіруге бағытталмақ. Осыдан 27 жыл бұрын қабылданған Констуцияның негізгі баптары түбегейлі өзгеріп, халықтың мүддесі бірінші орынға қойылады. Яғни, адам құқығы басты назарға алынады.
Болашағымыздың жарқын болуы мақсатында енгізілетін жаңа өзгерістер әрбір қазақстандықтың өмір сүру сапасын жақсартады деген сенімдеміз. Бір сөзбен айтқанда Президент жанына жұдырықтай жұмылып, жаңа Қазақстанды бірге құруға атсалысайық!
Алмас ЕСНАЗАР,
аудандық қоғамдық кеңес мүшесі
