Кеңесіп пішкен тон келте болмайды

Атқарушы билік пен халық арасындағы алтын кө­пірге айналған Қоғамдық кеңестің кезекті отырысы өтті. Жиынға Қоғамдық кеңес мүшелері мен тиісті бөлім ­басшылары, кент әкімі қатысты. Қоғамдық ке­ңес төрағасы М.Омаров күн тәртібіне ұсынылған мә­се­лелерді хабарлады.

Алдымен, аудандық экономика жә­не бюджеттік жоспарлау бөлімінің басшысы Е.Ахетовтің «2022-2024 жыл­­дарға арналған аудандық бюджет туралы» шешім жобасын аудандық мәс­лихаттың қарауына ұсыну туралы хабарламасы тыңдалды.

Хабарламашы 2022 жылға ар­нал­ған аудандық бюджеттің кіріс­те­рі 9173646 мың теңге көле­мін­де белгіленгенін айтты. Бөлім бас­­­­­­­­­­­­­­­­шысының хабарлауынша, аудан­дық­ бюджеттің өз кірістері 4864405 мың теңге, оның ішінде, салықтық тү­сімдер – 4852467 мың теңге болып бел­гіленген. Салықтық түсімдердің ең негізгі мөлшерін заңды тұлғалар мен жеке кәсіпкерлердің мүлкіне салынатын салық құрайды. Салықтық емес түсімдер бойынша жоспары 105 мың теңге көлемінде жоспарланған. 2022 жылға негізгі капиталды сатудан түсетін түсімдер 11833 мың теңге мөлшерінде, трансферттер 4309241 мың теңгені құраса, оның ішінде, субвенция көлемі – 4309241 мың теңге. Аудандық бюджеттің жалпы шы­ғындар көлемі 2022 жылы 9173646 мың теңге көлемінде жоспарланға­нын айтқан Е.Ахетов алда­ғы жылғы бюджет шығындары жөнінде ақпарат берді.

Қоғамдық кеңес мүшелері тарапынан айтылған сұрақтарға жа­уап берген бөлім басшысы Тереңөзек кен­ті бойынша келер жылы 21 көшені жөндеуге байланысты тиісті құжаттар әзірленіп, қаржыландырылуға ұсы­нылғанын айтты. Ал «Әйтек» каналынан өтетін жаяу жүргіншілер көпірі мен «Шапағат» мекемесі тұсындағы темір­жолдан өту­ге арналған баспалдақ салу демеу­шілер есебінен жүргізілетінін атады. Аудан орталығындағы Ғ.Мұрат­баев көшесінен балаларға арналған ойын алаңын салу мәселесін шешу үшін бөлім тарапынан зерделеу жұ­мыстары жүргізелітін хабарлады.

Күн тәртібіндегі екінші және үшін­ші мәселе бойынша аудан әкімі аппараты мемлекеттік-құқықтық бө­лі­мінің басшысы А.Жұмабеков хабарлама жасады. Бөлім басшысы «Сырдария аудандық мәслихатының 2014 жылғы 10 сәуірдегі №222 «Сырдария ауданының бөлек жергілікті қоғамдастық жиындарын өткізудің Қа­ғидасын бекіту туралы» шешіміне өзгерістер енгізу туралы Сырдария аудандық мәслихатының шешімінің жобасы туралы баяндады. Сонымен қатар, «Сырдария ауданы әкімдігінің 2016 жылғы 21 қаңтардағы №37 «Шарттық негізінде үй-жайлар беру туралы» қаулысының күші жойылды деп тану туралы» Сырдария ауданы әкімдігінің қаулысының жобасы туралы айтты.

Жиын соңында қаралған мәсе­ле­лер бойынша Қоғамдық кеңес мү­шелері шешім жобасына дауыс беріп, ма­құлдады.

– Қоғамдық кеңестің құрамындағы мемлекеттік органдардың өкіл­де­рі мен үкіметтік емес ұйым жетек­шілері, ардагерлер кез келген мәселе бойынша халықтың ой-пікірін тыңдап, онымен санасуға міндетті. Қарапайым азаматтар тарапынан айтылған ұсы­ныс-пікірлер талқыланып, оны тиіс­ті мемлекеттік органға жеткізетін Қо­ғамдық кеңес ұсынған мәселе ше­шімін табуы тиіс. Сондықтан жиында айтылған жолға қатысты, көшенің жөнделуі, көпір салу мәселесі, ойын алаңын салу, т.б. көптеген әлеуметтік мәселелер уақыт оздырмай оң шешімін табатынына сенеміз, – деді қоғамдық кеңес отырысын қорытындылаған тө­раға М.Омаров.

Шындығында, кеңесіп пішкен тон келте болмасы анық.

Бибісара ТАҢАТАРҚЫЗЫ