Білім саласының майталманы "Дара жолда"
Ел Тәуелсіздігінің 30 жылдық мерекесіне орай №129 Ә. Жәмішев атындағы мектеп-лицейде «Дара жол» шығармашылық кеші өтті. Кештің қадірлі қонағы «Еңбек ардагері» медалі мен «Ы.Алтынсарин» төсбелгісінің иегері, білім саласының майталманы Баян Сүюбаева болды.Іс-шараға білім бөлімінің басшысы Б.Жәнібеков, ардагер-ұстаздар, мектеп-лицей мұғалімдері, жоғары сынып оқушылары қатысты.
Өнегелі өмір иесі Б.Сүюбаева қызмет еткен жылдарынан естелік айтып, ауданның білім саласындағы толағай жетістіктері туралы айтты. Ұзақ жылдар бойы мемлекеттік қызметті абыроймен атқарған ардагер-ұстаздың дара жолынан сыр шертілді. Шығармашылық іс-шарадан оқушылар үлкен тәлім тәрбие алды.
