Ардагер-ұстаздар Түркістанға саяхаттады
Сырдария аудандық тарихи-өлкетану музейінің ұйымдастыруымен «Туған жерді танып біл» жобасы аясында ардагер-ұстаздар саяхатқа шықты. Ардагер-ұстаздар еліміздің рухани астанасы, ежелден мұсылман атаулы зиярат ететін құтты орын, түркілердің төл мекені – Арыстанбаб, Қожа Ахмет Яссауи кесенелеріне барды. Сонымен қатар Түркістан қаласындағы Әзірет Сұлтан мәдени қорығы мен Керуен сарай (Жаңа Венеция) туристік кешендеріне экскурсия ұйымдастырылды. Ардагер-ұстаздардың саяхатқа шығуына аудандық білім бөлімі мен білім қызметкерлерінің кәсіподақ ұйымы демеушілік жасады.
Тарихи орындарға саяхаттаған ардагер-ұстаздар ұйымдастырушыларға алғыстарын білдірді.
