Ұлық мерекеге арналған жайдарман сайысында 4 топ бақ сынады. «Жалын», «Қыдық таймс», «Бір түрлі», «Қанат бренд» топтары «Сәлемдесу», «Бес жаңалық», «Сұрақ-жауап» кезеңдерінде өзара мықтыны анықтады.

– Еліміздегі пандемияға байланысты мерекелік іс-ша­ралар көптеп өткізілмеуде. Өткен жылы аудан көлемін­де мектеп лигасы уақытша жұмысын тоқтатты. Жас жай­дарманшылардың қабілетін шыңдау, сапалы әзілдерді ойната білу мәселелері алдыңғы орында тұр. Бүгінгі жай­дарман сайысында жаңадан шыққан жас ойыншыларды байқадық. Алдағы уақытта олармен тығыз байланыс орнатып, тың жобаларды жүзеге асыру ойда бар. Ең бастысы, жастарға тәрбиелік мәні зор әзілдерді ойнауға кеңес берер едім, – дейді әділ қазылар алқасының мү­шесі Нұржан Сейтжанов.

Сайыс қорытындысында белсендігімен көзге түскен топтар орындарды өзара бөлісті. Сонымен бірге, «Үздік ойыншы» номинациясын «Қыдық таймс» тобының мү­шесі Бекарыс Пернебаев иеленді.