69 зейнеткер құрметке бөленді

Редакцияға аудан орталағынан шалғай орналасқан Іңкәрдария ауыл­дық ардагерлер кеңесінің төрағасы Әбдіразақ Байманов арнайы келді. Жақында ғана ауылдық ардагерлер кеңесінің төрағалығына сайланған ақсақал елді мекен қарияларына құрмет көрсетілгенін айтып, игілікті іс-шараны аудандық газет бетіне беруге ынталы екенін жеткізді.

Іңкәрдария – Қызылқұм қойнауында орна­ласқан берекелі ауыл. Бұл елді мекеннің халқы еңбеккеш. Ертеректе қой шаруашылығы болып құрылған ауыл халқы бүгінде мал шаруашылығымен, бау-бақша дақылдарын егу­­мен айналысады. Міне, осындай атакәсіп бол­ған салаларда еңбек етіп, бүгінде зейнетін көріп отырған 69 еңбек ардагері бар. Қарттар мерекесінде барлық ардагерлерге сый-құрмет көрсетілген.

– Ауыл әкімдігінің қолдауымен елді мекен­дегі қарияларға құрмет көрсеттік. Зейнет жа­сындағы қазыналы қарттарға шапан жауып, 10 келіден күріш таратылды. Бұған ауылдағы шаруашылық, одан бөлек Қанат Жақсылықұлы, Жамал Мырзағұлұлы, Шәріпбай Күшімбаев, Әлібек Рахымжанов секілді азаматтар демеу­шілік көрсетті. Сондай-ақ, қариялардың құр­метіне ауылдық, аудандық мәдениет үйінің өнерпаздары концерттік бағдарламаларын ұсы­нып, көтеріңкі көңіл-күй сыйлады, – дейді ауылдық ардагерлер кеңесінің төрағасы Әбді­разақ Байманов.

Иә, қазан айының алғашқы күні ақылы асқан қариялардың төл мерекесі болғанымен оларға деген құрмет жыл бойы толастамақ емес.

Ердос БЕРКІНБАЕВ