Жақындарыма қолдау көрсетемін

Бүгінде коронавирус инфециясының таралуы бойынша ауданда ахуал күрделене түсуде. Осы күні нақтыланған жағдай 181-ге жетті. Елімізде коронавирус инфекциясына қарсы екпе салу жұмыс қарқынды түрде жүзеге асуда. Ауданымызда қазыналы қарттар мен орта буын өкілдері, белсенді жастар өз денсаулығы үшін екпе қабылдауда. Соңғы аптада ұжымдастарым мен отбасым, достарым Ресей елінің ғалымдары ойлап тапқан «Спутник V» вакцинасын салдырды.

«Біздің бақытымыздың оннан тоғызы денсаулығымызға байланысты» деген қағиданы ұстанған жақындарыма әркез қолдау көрсетуге дайынмын. 4000-нан аса сырдарлықтың қатарынан табылған әрбір азаматтың денсаулығы мықты болуына тілектеспін. Біз «Саулық саттықта» екенін ұмытпаймыз. Заманауи ғылым әлеуеті артқан уақытта бұл қиындықты еңсеріміз. Мұндай ауыртпалыққа толы күндер артта қаларына сенеміз. Ең бастысы, жақындарымыз аман болсын! Барлық жерлестірімді ерікті түрде вакцина салдыруға шақырамын!

Балтабай ОРДАБЕКОВ,

Сырдария ауданы әкімінің «Өрлеу» жастар сыйлығының иегері,

аудандық жастар мәслихатының депутаты