Жастар екпе салдырды
Қазір әлем елдері коронавирус індетімен күресіп жатқаны белгілі. Жұқпалы дерт халықтың денсаулығы мен өміріне үлкен қауіп төндіріп отыр. Бұл кеселді жеңудің негізгі жолы - вакцина салдыру.Елді мекендегі белсенді жас, «Жалын» еріктілер штабының үйлестірушісі Алмат Бағдатұлы жақындары мен туыстарын қорғау мақсатында вакцина салдырды.
Бүгін коронавирустық инфекцияға қарсы Спутник - V вакцинасын алдым, вакцина алғанға дейін аудандық аурухана дәрігерлеріне қабылдандым, ешқандай қарсы көрсетілімдер табылған жоқ, вакцинаны алғаннан кейін 30 минут ішінде дәрігердің бақылауында болу міндетті шарт болып табылады екен. Бұл вакцина 2 сатылы болғандықтан, келесі вакцинаны 21 күннен кейін алуды жоспарлап отырмын. Айта кету керек, вакцина дерттің алдын-алу шараларымен бірге пандемияны бақылауға алуға көмектесетін маңызды құрал болып табылады, сондықтан баршаңызды вакцина алуға шақырамын. Өзіңізді және жақындарыңызды қорғаңыздар,-дейді ерікті жас Алмат Бағдатов.
Өзіңіздің және жақындарыңыздың амандығы үшін вакцина қабылдауда белсенді болуға шақырамыз.
