Ауылымыздың мақтанышы Сыздықов Жасұлан №135 А.Тоқмағамбетов атындағы орта мектептің 10 - сынып оқушысы. Оқу екпіндісі. Екі жыл қатарынан жалпы білім беретін пәндер бойынша республикалық олимпиаданың І (мектепішілік) және ІІ (аудандық) кезеңдеріне қатысып келеді. Биылғы оқу жылында бағы жанып, ІІ кезеңде І орынды иеленді.ІІІ (облыстық)  кезеңде жүлделі  ІІ орын алып, 25-30 наурыз аралығында Қостанай қаласында өтетін жалпы білім беретін пәндер бойынша республикалық олимпиаданың ІҮ кезеңіне (қорытынды) құқық негіздері пәні бойынша қатысуға жолдама алды.
     Пән мұғалімі Пашенов Нұржан Нұрғалиұлы мұғалімдер отбасынан шыққан. Әкесі марқұм Пашенов Нұрғали ағай география, анасы Ермаханова Құндызай апай математика пәнінен ұзақ жылдар бойы дәріс берген.Нұржан І санатты, жоғары білімді, 18 жыл өтілі бар тарих, құқық және дінтану пәндерінің мұғалімі.
    Жасұланға табыс тілей отырып, бәйгеден озып келуіңе тілектеспіз.