Гүлге оранған – Бесарық

Ауыл көркін ажарландыра түскен мына көрініске қарап көңілің көтеріледі. Табиғат ана өзінің адамзатқа берген сыйы іспетті айналасын ғажайып көрініске бөлеп тұр. Бесарық ауылының тұрғындары ауыл орталығындағы гүлзарды күн сайын тамашалауға асығады.

Әсем гүлмен құлпырған ауылдың тұрғындары ауыл инвесторы "Абай-Дәулет" ЖШС-не осындай көрініс үшін ризашылығын білдіруде. Ерте көктемнен бастап ауыл көркінің келбеніне үлесін қосып келе жатқан серіктестік жұмысшылары бел жазбай көркейту-көгалдандыру жұмыстарына атсалысып келеді.

Айналаңның әсем көйлек киген келбетін көргенде шынында да көңілің де жаздай жарқырайды екен.

Б.ТАҢАТАРҚЫЗЫ