100 отбасыға көмек көрсетті
Елдегі төтенше жағдай кезеңінде жомарт жандар, еріктілер, кәсіпкерлер мұқтаж жандарға қолдан келген көмегін аямауда. Республикалық #Bizbirgemiz қайырымдылық акциясына үн қосып, карантин режимінде белсенділік танытуда.Қатерлі індетке қарсы күресті күшейтіп, көмекке аса мұқтаж жандарға қол ұшын созуды құптаған қайырымды жандардың арасында облыстық мәслихат депутаты, «Сырдария ауданының Құрметті азаматы» Бақдәулет Мақашев та бар. Ірі шаруашылықтарға инвестор болып жүрген кәсіпкер аудандағы 100 отбасыға 1 млн теңге көлемінде қайырымдылық көмек көрсетті. Осындай қиын кезеңде аса қажетті азық-түлікті алып беріп, тұрғындарға қуаныш сыйлады. Бұл осындай кезеңде мұқтаж отбасылар үшін зор көмек болды. Азық-түліктер Nur Otan партиясының аудандық филиалы арқылы таратылды.
Ердос БЕРКІНБАЕВ
