Ұлттың жаңа әде­биетінің негізін қалаушы

Шіркейлі ауылындағы Қалтай Мұхаммед­жанов атындағы ауылдық мəдениет үйінде Абай Құнанбайұлының 175 жылдығына арналған әдеби кеш өткізілді. Coworking орталығында ұйымдастырылған іс-шараға кітапхана оқырмандары, ауыл ардагерлері мен жастары, тиісті сала басшылары қатысты.

Шара барысында ауылдық ардагерлер кеңесінің төрағасы А.Сұлтанов сөз алып,  ұлы ақынның даналықты, адалдықты ту еткенін айтты.

– Абай Құнанбайұлы ақын ғана емес, ол ғұлама, ағартушы, ұлттың жаңа әде­биетінің негізін қалаушы. Абайдың әрбір өлеңінің әлеуметтік тәрбиелік мағынасы зор. Сондықтан ақынның өмірі мен шығар­машылығын жас ұрпаққа насихаттау маң­ызды. Ақынның 175 жылдық мерейтойы ауыл көлемінде кеңінен аталып өтіледі деп сенемін, – деді ардагер.

Сонымен бірге «Нұр-бақыт» бала-бақшасының меңгерушісі Б.Мұсаева, ауылдық кітапхана меңгерушісі Л.Əбдірейімова ұр­пақ тәрбиесіне зор үлес қосқан Абай Құнанбайұлының шығармашылығы жөнінде пікір білдірді. Танымдық кеште мектеп оқушылары хәкімнің өлеңдері мен қара сөздерін жатқа оқыды.

Балтабай ОРДАБЕКОВ