Шіркейілілік оқушылар Абай өлеңдерін оқыды

Шіркейілі ауылындағы Қ.Мұхаммеджанов атындағы мəдениет үйіндегі COWORKING орталығында ғұлама ақын Абай Құнанбайұлының 175 жылдығына орай іс-шара өтті.

Шараға ауыл жастары, ауыл ардагерлері жəне мекеме басшылары қатысты. Мәдени шара барысында ауылдық ардагерлер кеңесінің төрағасы С.Абзал ақсақал сөз алып, Абайдың нақыл сөздерін айтып, жастарға ой саларлықтай пікірін білдірді. Өз кезегінде "Нұр-бақыт" балабақшасының меңгерушісі Б.Мұсаева жастарға үлгі боларлықтай іс-шаралардың ұйымдастырылып тұруын басты назарға алды. 

Мектеп оқушылары ойшыл ақынның өлеңдері мен қара сөздерін оқыды. Ауылдық кітапхана меңгерушісі Л.Əбдірейімова елімізде биылғы жылы аталып өтілетін мерейлі шараларға, соның ішінде ұлы ақын Абай Құнанбайұлының 175 жылдығына байланысты өтетін ауқымды іс-шаралар туралы айтты. Сонымен қатар ауыл жастарының қалаған уақытта кітапханаға келіп, кітап оқып, білімдерін жетілдіруге шақырды.

"ТТ" ақпарат