Ұлы ақынға арналды
Ақжарма ауылдық округі әкімдігінің қолдауымен, Ақжарма ауылдық мәдениет үйінің ұйымдастыруымен №130 Абай Құнанбаев атындағы мектеп оқушыларының қатысуымен қазақтың ұлы ойшыл ақыны Абай Құнанбаевтың 175 жылдығына арналған "Абай – дара, Абай – дана қазақта" атты әдеби-сазды мерекелік шараның салтанатты ашылуы болды. Мәдени шарада ұлы ақынның өлеңдері мен қара сөздері оқылып, әндері орындалды. Мерекелік кеште ауыл әкімі Е.Ешмұратов сөз алып, ұлы ақынның мерейтойына арналған шаралар жыл бойына жалғасатынын айтты.
Ауыл тұрғындары шараны ұйымдастырушыларға алғыстарын айтып, көтеріңкі көңіл күймен тарқасты.
Б.ТАҢАТАРҚЫЗЫ
