Онкологиялық аурумен күресудің онкүндігі

Сырдария Жастар денсаулығы орталығы, Аудандық Ткқсқб басқармасы және аудандық емханасы мамандарымен аграрлы- техникалық колледж студенттері арасында 4 ақпан – дүниежүзілік онкологиялық аурулармен күрес күніне арналған акция өткізді.

Онкүндік болып жарияланған акцияда ақ халатты абзал жандар студенттерге обыр туралы мағлұмат берді. Сонымен қатар дұрыс тамақтану мен дене белсенділігінің маңызы туралы ақпарат беріліп, психо-белсенді заттардың онкологиялық аурулар тудыратын бірден бір фактор екендігі айтылды.

Акцияда тақырыптық бейнероликтер көрсетілді. Сондай-ақ колледж қызметкерлері мен студенттер өздерінің бой, салмақтарын өлшеп, дене салмағының индексін есептеп үйренді.

Б.ТАҢАТАРҚЫЗЫ