Қатерлі ісіктен сақтану маңызды

Дүниежүзілік қатерлі ісікке қарсы күрес күні жыл сайын 4 ақпанда аталып өтіледі. Бұл күнді Қатерлі ісікке қарсы халықаралық одақ (UICC) белгілеген. Мақсаты – Жер шары тұрғындарына рак туралы мағлұмат беру, оны уақытылы анықтап,емдеу және алдын алу. Осы ретте Сырдария жастар денсаулығы орталығының мамандары мен аудандық Ткқсқб Басқармасы қызметкерлері акция өткізді.

Акция барысында онкомаммолог А. Құлеке обыр ауруының түрлерін айтып,  аудан бойынша 2018-2019 жылдардың салыстырмалы статистикасын мәлімдеді.  Дәрігер А.Қозбағарова обыр ауруынын алдын алу үшін скринингтік тексерулерден өтудің маңыздылығына тоқталды. Сондай-ақ онкологиялық аурулардың алдын алудағы салауатты өмір салтын ұстанудың, рационалды тамақтанудың, дене белсенділігімен айналысудың, психобелсенді және зиянды заттарды пайдаланбаудың үлесі зор екенін Жастар денсаулығы орталығының дәрігері Д.Алашбаева көрнекі құралдар мен ақпараттық-танымдық материалдар көрсетті.

Акция соңында қатысушылар маман кеңестерін алып, бой, салмақ және артериалды қан қысымын өлшетті.

"ТТ"-ақпарат