Профилактикалық тексеруден өтті

Қаңтардың 13-15 күндері аудандық емханада аудан бойынша сал ауруымен диспансерлік есепте тұратын балаларға профилактикалық зерттеу жүргізілді.

Дәрігерлік қабылдау кезінде науқас балаларға лабораториялық-инструменталдық зерттеу, ультра-дыбыстық зерттеу тағайындалып, балаларды невропатолог, окулист, лор, психиатр, психолог, логопед, педиатр, терапевт, әлеуметтік қызметкер мамандары тексеруден өткізді. Тексеру нәтижесімен дәрігерлік ем тағайындалды.

Ақ халатты абзал жандардың айтуынша жылдың басында ұйымдастырылатын мұндай шаралар әсіресе, диспансерлік есепте тұратын балаларды басқа да ауруға шалдықпаудың алдын алады және аурушаңдықты төмендетеді.

Б.ТАҢАТАРҚЫЗЫ